கடந்த மார்ச் மாதத்தின் கடைசி வாரம் ஒரு காலைபொழுது தூங்கி எழுந்ததும் மார்பு நடுவில் ஒரு வலி, சாதாரண தசை பிடிப்பு அல்லது வாயு பகவானின் வேளையாக இருக்கும் என நினைத்து வலியை அலட்சியப்படுத்தி எனது தினசரி வேளைகளில் ஈடுபட முயன்ற வேளையில், வலி சிறிது சிறிதாக அதிகரித்து மார்பின் நடுவிலிருந்து எனது உடலின் அணைத்து பகுதிகளுக்கும் பயணிக்கிறது.
மூன்று வருடங்களுக்கு முன் இது போன்ற வலியுடன் மருத்துவரிடம் சென்ற போது மாரடைப்பு வந்திருப்பதாகவும் உடனடியாக இருதய நோய் மருத்துவரை பார்க்க வேண்டும் என கூற, நான் மருத்துவமனைக்கு கொண்டுசெல்லப்பட்டு அங்கு எனக்கு செய்த முதற்கட்ட பரிசோதனையில் எனது இருதயத்தின் இரண்டு வெசல்களில் அடைப்பு இருப்பதால் உடனடியாக ஆன்ஜியோபிலாஸ்ட் செய்து ஒரு வெசலில் ஸ்டண்ட் வைத்து சில லகரங்களை பெற்றுக்கொண்டு 15 நாட்கள் ஓய்வில் வைத்து வீட்டுக்கு அனுப்பினார்கள்.
அது போன்ற ஒரு நிலை மீண்டும் எற்பட்டுள்ளதோ, இது இரண்டாவது எபிசோடோ என்ற பயததில் மீண்டும் எனது படுக்கையில் சென்று படுத்தேன். வலி வலி வலி..... வலி வரும்போது நாவிற்க்கடியில் வைக்கும் மாத்திரையை வைத்து விட்டு வலியை பார்க்க, அதனுடனே சென்று அந்த வலியையும் வேதனையையும் அனுபவித்த வேளையில் என் மனைவியும், என் அம்மாவும் பதறி என் டாக்டர் நண்பருக்கு தகவல் சொல்ல அவர் வந்து பார்த்து விட்டு சில ஊசி மாத்திரைகளை கொடுத்து உடனடியாக நான் பார்த்து வரும் இருதய நோய் சிகிச்சை மருத்துவரை பார்க்கச்சொல்லி அறிவுறுத்தினார். அந்த மருத்துவரிடம் முன் அனுமதி பெற்று என் நண்பர் துணையுடன் அவரை பார்க்க, அவர் அவருடைய மருத்துவமனையில் சேர்த்து சில பரிசோதனைகள் செய்து, சிறிய அளவிலான மாற்றங்களை தவிர பெரிய பாதிப்பு ஒன்றும் இல்லை என்றும், சில புதிய மருந்துகளை கொடுத்து கண்டிப்பாக ஓய்வில் இருந்தாக வேண்டும் என்று கூறியதால் அதையே காரணமாக வைத்து என் வீட்டிலுள்ளவர்கள் என்னை ஒரு மண்டலம் வீட்டு சிறை போல வெளியில் செல்ல அனுமதிக்காமல் வைத்திருந்ததாலும், என் கணினியை பயன்படுத்த முடியாததாலும் என் மதிப்பிற்குரிய பதிவர்களின் பதிவுகளை பார்க்கமுடியாமல், தமிழக தேர்தல் களத்தின் தகிப்பை உணரமுடியாமல் போனது என் மார்பு வலியை விட அதிக வலியை கொடுத்தது.
.....ஐ.நா. மனித உரிமைகள் பிரிவின் ஹைகமிசனர் நவநீதம் பிள்ளையின் இந்திய வருகை, இந்திய வெளியுறவு அமைச்சர் பிரணாப் முகர்ஜியுடன் சந்திப்பு, இலங்கையின் இனஅழிப்பு போரை கண்டித்து. "போர் நடைபெறும் பகுதிக்கு சர்வதேச மனித உரிமை அமைப்புகளை அனுமதிக்க" வலியுறித்தியது.....
.....முத்துக்குமாரை தொடர்ந்து 13 பேர் உயிர் தியாகம் செய்தது.....
.....ஈழத்தமிழர்களுக்கு அரசியல் தீர்வை விரைவில் வழங்குவார் ராஜ பக்சே என கலைஞருக்கு பிரதமர் கடிதம் அனுப்பியது.....
.....சிவசங்கர் மேனன், நாராயணன் கொழும்பு சென்றது. அதன் பிறகு அங்கு நடந்த உக்கிரமான இன அழிப்புப்போர்.....
.....இலங்கையில் தமிழர்களை கொன்று குவிக்கும் போரை நடத்தி வரும் சோனியாவை தமிழகத்திற்குள் விடமாட்டோம் என்ற தமிழக திரைத்துறையினரின் போராட்டம். காங்கிரஸ் போட்டியிடும் 16 தொகுதிகளில் அவர்களை எதிர்த்து பிரச்சாரம்.....
....."காங்கிரசை அழிப்பதுதான் தனது முதல் வேலை" மருத்துவர் இராமதாஸ், வை.கோ. மற்றும் கம்யூனிச தலைவர்கள், ஜெயலலிதாவை விட்டு விலகி வந்தால், தனித்து நின்று காங்கிரசுக்கு தகுந்த பாடம் கற்பிப்போம் என சூளுரைத்த திருமா, காங்கிரசின் ஆதரவுடன் களம் காண்பது.....
.....இராமதாஸ், வை.கோ., கம்யூனிச தோழர்கள் மற்றும் ஈழ ஆதரவாளர்களை விட ஒரு படி மேலே போய் ஓங்கி உரத்து குரல் கொடுக்கும் ஜெயலலிதா, தமது கூட்டணி வெற்றி பெற்றால் இலங்கைக்கு இந்திய ராணுவத்தை அனுப்பி ஈழத்தமிழர்களுக்கு தனி நாடு அமைக்கப்போவதாக கூறுவது.....
.....முத்துக்குமாரா? யார் அது ? என கேட்ட பெரியாரின் பேரன். உலக நாடுகளின் சட்டம் தெரியாமல் பேசும் ஜெயலலிதா என கூறும் காங்கிரஸ் தலைவர்கள். கையாலாகாத தங்கபாலு.....
.....திடீர் இட்லி திடீர் சட்னி என்பது போல திடீர் உண்ணாவிரதம் இருந்த கலைஞர், அதற்க்கு பயந்து நான்கு மணி நேரத்திற்குள் பணிந்த ராஜா பக்சே.....
.....கோவையில் பெரியார் தி.க.வினர் மற்றும் ம.தி.மு.க. வினரின் இந்திய ராணுவத்திற்கு எதிரான சிறிய போர், மானமுள்ள தமிழனின் உணர்ச்சிக் கொந்தளிப்பு.....
.....இப்படியெல்லாம் அனல் பறக்கும் தமிழக தேர்தல் களம். சுட்டெரிக்கும் வெயிலையும் மீறி பணத்தை கட்டவிழ்க்கும் கட்சிகள், மாறாத தமிழக அப்பாவி வாக்காளர்கள்.....
தொப்புள் கோடி உறவுகளின் ஜீவா மரண போராட்டத்தையும், இங்குள்ள அரசியல் தலைவர்களின் சித்து விளையாட்டுகளையும் கண்டு மனம் கொந்தளித்து நிலை தடுமாறாமல் இருக்கத்தான் இந்த ஒன்னரை மாத ஓய்வு எனககு. தேர்தல் முடிவுகளை நிர்ணயிப்பது, 91 இல் ராஜிவ் காந்தி படுகொலை, 2009 இல் ஈழத்தமிழர்கள் படுகொலை. தமிழக மக்கள் அனைவரும் ஓன்று சேர்ந்து தங்களுக்கு இருக்கும் பொறுப்பினை உணர்ந்து தமது வலிமையை மத்திய அரசுக்கு உணர்த்த வேண்டிய தருணம் இது. தமிழினமே தகுந்த பாடம் புகட்டுங்கள். தவறானவர்களை விரட்டி அடியுங்கள்.
